1995

Þegar ég var í grunnskólanum á Djúpavogi þá tíðkaðist það hvert ár að 10 bekkur færi í útskriftarferð.   Safnað var fyrir ferðinni allt árið og svo haldið af stað strax eftir samræmdu prófin.    Fyrir valinu varð Danmörk og byrjuðum við á því að fara til Kaupmannahafnar.

Þarna var bara hinn almenni túristi tekinn á þetta.   Skoðað söfnin, farið í tívoli, verslað á strikinu og svo framvegis.

Einni tókum við lest til Hróaskeldu og skoðuðum okkur aðeins um þar.   Megin ástæðan fyrir þeirri ferð var þó að Særún var í skóla þar og fórum við í heimsókn til hennar.